VOV4.M’nông: N’gâng kan Công an mhe ƀư nkah 20 năm nar ndâk ntŭk kan Uỷ ban mêt uănh Đảng uỷ Công an Trung ương. Rlet rlau 20 năm ndâk njêng, têh jêng ntŭk kan aơ hŏ kơl nchră nau n’hao nau rđau kan, ntĭm đă mpeh nau kan mêt uănh, kỷ luật Đảng tâm nau kan Công an ƀon lan. Ntŭk kan Uỷ ban mêt uănh hŏ nchrăp mêt uănh, uănh tĭng nkô̆, mêt uănh rnôk geh nau tih. Bah nê, kơl an ăp gưl uỷ, ntŭk kan Đảng, Đảng viên ân năn ƀư ân rjăp, rklaih kơl ăp nau tih, mô ân geh nau tih jê̆ jêng nau tih têh. Ntoh nau tâm nar rƀŭn.

Kruanh n’gâng kan Công an Tô Lâm đă rơh tât, Ntŭk kan Uỷ ban mêt uănh Đảng uỷ Công an Trung ương ân geh ƀư ân ueh nkô̆ nau “mêt uănh gay pơk hvi, rklaih mhal ân geh nkô̆, tơm” Nkre ntrŭt dăng nau kan mêt uănh, uănh nau rđau, đă, ƀư ueh nau kan ndâk njêng, ƀư nâp Đảng ndrel ntrong kan chính trị, ƀư ngăn nau njrăng, rdâng, rklaih rjăp ăp cán bộ, Đảng viên mô nâp mpeh chính trị, nau mĭn, nau rêh./.

Nŭih rblang: H’Thi