VOV4.M’nông – N’gor Thanh Hóa lĕ ƀư nkah gĭt 75 năm nar Wa Hồ rơh bôk năp sĭt khâl Thanh Hóa (20-2-1947-20/2/2022); rnê ƀon lan leo lor, nsum mpôl leo lor n’hanh rgŏ jă ntrong leo tâm rlong năm 2022. Ntoh ngơi ta nar ƀư, Wa Đỗ Trọng Hưng, Bí thư n’gor ủy, Kruanh HĐND n’gor Thanh Hóa an lah, ăp nuĭh, ăp ngih pah kan, ntŭk kan, an nsrôih ƀư uĕh n’hanh ƀư uĕh lơn tay nău kan bah nơm yor nău geh nsum, ƀon tơm, neh dak; ăp chi hội, cán bộ Đảng viên, ngăn lah nuĭh djôt bôk ngih pah kan, ntŭk, an mât ntrong leo hăn lor, lah tơm khlay, n’gâng cờ leo lor tâm ăp ntrong leo tâm rlong ta ntŭk kan, ntrong leo tâm rlong jêng ntrong leo cách mạng jru hvi, n’hâm soan gay ƀư dơi ăp nău kan bah ƀon lan, ntŭk kan n’hanh lam n’gor.

Nuĭh rblang: Y Sưng Phê Ja