VOV4.M’nông – Nkah gĭt 43 năm jêh tâm lơh tâm su n’har bri mpeh Bắc (ntơm tâm nar 17/2/1979), nkuăl Mường Khương, n’gor Lào Cai ƀư mpoh nhang nkah gĭt ăp tahen khĭt ta Pôih tahen n’har bri Pha Long lĕ janh dăng khĭt săk tâm rơh tâm lơh hô aơ gay mât njrăng ƀư tơm neh ntu bri dak.

Mpoh nhang nkah gĭt ăp tahen khĭt ta tâm lơh n’har bri.

Ta n’gâng nkah gĭt an ta đah ma Pôih nchih săk 41 nuĭh tahen khĭt; tâm nĕ, 27 tahen khĭt tâm 4 nar măng bôk năp tâm lơh ta trong bôk n’har bri. Di rơh aơ, nkuăl Mường Khương lĕ ƀư ôp khâl ăp rnăk dơi kơl, nuĭh bên geh soan ta nkual neh; ƀư mpih koăi ăp ntŭk têl ơm kăl e; mpoh nhang ta môch tahen khĭt ta tâm lơh ta n’har bri 1979.

Nŭih blang: Y Sưng Phê Ja