Nkah ndray 50 năm "Lơh dơi plơ̆ sĭt" (3/1973 - 3/2023) bah ăp tahen cách mạng geh phŭng rlăng nhŭp nkông krŭng, ôi 22/3, nkual ƀon têh Hà Nội khuh n'gôr ƀư mâp măt ăp tahen cách mạng geh phŭng rlăng nhŭp nkông krŭng aƀaơ dôl gŭ rêh ta Thủ đô. Ta rơh mâp măt, ăp tahen cách mạng hŏ nkah tay ăp nău nkoch mpeh nău mĭn rôih dăng, mô chuh chŭn bah năp ăp lơh nkrit kơt pâng đinh tâm săk, koh tĭng lău jâng ti...an tât rơh tâm rlăch ndăng nău mĭn n'hanh ndjuh bonh tay bah phŭng rlăng.

Rlău dơi ăp krit jêr ma nău mĭn rôih dăng cách mạng, ăp tahen trôm ndrung hôm ƀư sinh hoạt đảng, rđău đă ăp nsum mpôl, leo ƀư âk rơh nchuăt luh bah ndrung, rlăch ndăng ƀư phŭng rlăng phit klach. Lah ta rơh mâp măt, Groi Bí thư rnâng kan thành ủy Hà Nội Nguyễn Thị Tuyến, mbah rhơn n'hâm suan ngăch dăng tât ăp tahen geh phŭng rlăng nkông krŭng, nkre mpơl nuĭh n'hâm chuh chŭn bah nuĭh cộng sản, han săk bah nuĭh tahen cách mạng. Nkual ƀon têh Hà Nội way nchih nkah, nkah gĭt ăp n'hâm suan têh kuâng bah ăp tahen cách mạng geh nkông krŭng yor ma n'gâng kan rlăch ndăng, rklaih luh rnoi nuĭh tâm rơh rdâk njêng Thủ đô.