VOV4.M’nông: Ôi 7/4, n’gor Quảng Trị ƀư nau mpoh kthuơ di nkah 115 nar deh Tổng Bí thư Lê Duẩn (07/4/1907-07/4/2022) ndrel ndâk nkra ân nâp ntŭk nkah Tổng Bí thư Lê Duẩn. Gay n’hao nau khlay văn hoá, nau kan, ăp nau rgop têh ueh bah Tổng Bí thư Lê Duẩn đah Đảng ndrel cách mạng, Chính phủ, ăp N’gâng kan, ntŭk kan Trung ương hŏ uănh khlay ntuh kơl ndâk nkuăl nkah ơm Tổng Bí thư Lê Duẩn tâm ƀon păng ta Hậu Kiên, xã Triệu Thành, nkuăl Triệu Phong, n’gor Quảng Trị. Aơ lah ntŭk nkah ăp ntil ndơ ơm ntoh lư ngăn bah n’gor Quảng Trị, lah ntŭk ntĭm mbơh nau vay rŏng dak, cách mạng ăp rơh ndrel ntŭk tât uănh bah băl bên dak ba dih. N’gor Quảng Trị hŏ ân ƀư bôk nau kan, mât ƀư ueh ntŭk nkah Tổng Bí thư Lê Duẩn đah rnoh ntuh kơl lah 45 rmen. Ntŭk aơ jêh rnôk ƀư mra mât nâp, ryơk tâm kơt ơm, mô ƀư rgâl nau geh ơm kŏ kơt lah nau ueh, nau khlay ơm./.

Nŭih rblang: H’Thi