VOV4.Mnông- Kanŭng tâm 1 pơh dăch ăơ, nkuăl ƀon têh Buôn Ma Thuột, n’gor Dak Lak lĕ kơp dơn geh 2.482 nuĭh ntưp srê Covid-19, tâm nĕ geh 2.245 nuĭh ntưp tâm ntŭk rêh jêng. Ta năp nău ntưp âk bâh nuh srê, kêng măng nar 22/2, ta nkuăl ƀon têh Buôn Ma Thuột lĕ geh nău mbơh mbrô 524 mpeh nău dŏng du đê̆ trong kan njrăng rdâng nuh srê Covid-19 ta nkuăl ƀon têh kơp bâh 6 mông nar 23/2/2022 an tât rnôk geh nău mbơh mhe.

Tĭng nĕ, nkuăl ƀon têh Buôn Ma Thuột  đă rlu ăp nău kan tăch rgâl ăp nău kan mbra geh tâm ntưp âk kơt lah vũ trường, karaoke, matxa, quán bar, Internet, pâl điện tử, ăp ntŭk ƀư ueh geh tay nh’eh ti jâng, nkrơ̆, spa...Rlu ăp nău kan hăn nti ta ngih nti đah ăp gâl nti mầm non, n’hanh mbơh ƀư ntĭm nti trực tuyến đah gâl nti tiểu học, jrô 6,7,8 n’hanh jrô 10,11. Êng ta jrô 9, jrô 12 n’hanh ăp ntŭk kan ntĭm nti êng ta nkuăl ƀon têh leo ƀư nti ta ngih nti yơn lah an geh mât đăp mpăn tâm nău kan njrăng rdâng Covid-19, nai nti, sinh viên, kon hoc tât râng ntĭm n’hanh nti an geh lôch chuh 2 nglai vacxin mô lah lĕ lôch bah Covid-19 mô rlău 6 khay.

Nuĭh rblang: Thị Đoắt