VOV4.M'nông: Ôi 7/10, Hội Nông dân nkual ƀon têh Hồ Chí Minh ƀư mpư rnê 28 nuĭh ƀon lan kan lŏ mir ntoh lư yor hŏ geh ăp nău rgop an nău hun hao tuch tăm nkual ƀon têh, rdâk njêng ƀon lan mhe.

Ndrel đah 28 nuĭh ƀon lan kan lŏ mir ntoh lư n'hanh 30 ntil ndơ geh ƀư tuch tăm ntoh lư dơi nkhôm rnê, nkhêp geh rnôk dja ta nkual ƀon têh Hồ Chí Minh hôm geh nău rgop bah dŭt âk nuĭh ƀon lan kan lŏ mir geh ndơ ƀư tuch tăm săk kah uĕh đŏng, njêng suan ring tam mpeh rnoh khlay săk ntĭt "nuĭh ƀon lan kan lŏ mir mhe". Ta trôm jâng gung Jay Văn hóa Thanh Niên nkual ƀon têh Hồ Chí Minh geh 124 ndrơng ndơ pla n'hơ ăp ntil ndơ geh ƀư bah n'gâng kan tuch tăm nkual ƀon têh, kơt: kao lan, bon sai, tơm kiểng, biăp, sêt, ndơ nklâm tâl, găr ntil, phân poh, ndơ dŏng ƀư mir...ndrel hang rhiăng ndơ  geh ƀư tuch tăm tơm, ndơ geh ƀư OCOP săk kah uĕh, dêh bên đah ntŭk gŭ rêh./.

VOV.VN

Nuĭh rblang: Điểu Thân