Ntơm bah bôk năm mhe Giáp Thìn 2024, âk ntŭk ƀư nau kan tăch rgâl tâm nkuăl ƀon têh hŏ ntrŭt dăng nau tăch luh dak ba dih ndoh ndơ bôk năm mhe. Tâm pơh bôk năm mhe, tâm mpông dak lêng Tân Cảng-Cát Lái tâm Tổng công ty Tân cảng Sài Gòn hŏ ndơn 75 bôk tàu rdeng ndơ tăch luh, rnoh rlet mpông ndrâm rlau du rkeh tấn ndoh ndơ, hao 9% rđil rơh aơ năm 2023. Êng tâm măng 30 tết năm mhe 2024 ntơm ƀư nau leo tăch, mpông ndrâm hŏ vơt 7 bôk tàu Contianer.

Rnoh geh ndoh ndơ geh rdeng leo tâm măng bôk năp năm mhe tâm mpông Tân cảng –Cát Lái nklăp 105 rbăn tấn ndoh ndơ. Êng tâm mùng 6 tết, tâm mpông aơ hŏ geh 190 lô ndoh ndơ tăch luh đah rlau 9 rkeh 540 rbăn đôla, ngăn lah ndơ ndơ tuch tăm, si kđar, tui ka...Tâm rnoh aơ, Công ty TNHH tâm rgop kan tăch rgâl lam ntur neh tăch luh nklăp 2 Container nklăp 18 tấn cà phê tăch kơt: Cà phê xoài, cà phê boh, cà phê bum chin, cà phê play nhàu...tât dak Úc./.