VOV4.M'Nông- UBND nkuăl ƀon têh Hồ Chí Minh geh mhe săm ƀŭt njoăl an ntŭk kan ntĭm n’hanh nti ndrel đah ăp ntŭk kan geh tât mpeh nău ŭch an nău ntrŭnh rdâk njêng ăp rnoh kơl prăk nti bâh năm 2022-2023 n’hanh ăp năm nti let năp tay. Tĭng nău mbơh nar 19/5/2022 bâh ntŭk kan ntĭm n’hanh nti nkuăl ƀon têh Hồ Chí Minh mpeh nău ntrŭnh rdâk njêng ăp rnoh kơl an prăk nti đah ăp gâl nti THCS ngih dak mât leo n’hanh bah dih ngih dak mât leo bâh năm 2022-2023 n’hanh ăp năm nti let năp tay ta nkuăl ƀon têh Hồ Chí Minh, UBND nkuăl ƀon têh ŭch an nău dăn đă aơ, dơn ngoăy lĕ rngôch nău ntrŭnh rdâk njêng ăp rnoh kơl prăk nti an kon hoc ngih nti ngih dak mât leo n’hanh bah dih ngih dak mât leo ta ntŭk bâh năm nti 2022-2023. UBND nkuăl ƀon têh Hồ Chí Minh pă an ntŭk kan ntĭm n’hanh nti leo kan, tâm rgop đah ăp ntŭk kan geh tât mĭn uănh rdâk njêng rnoh kơl an tâm di đah ăp gâl nti mô geh kơp tiểu học, gay ma bah nău tât ntŭk rêh jêng yor rgâl rnoh sŏk prăk nti tĭng Nghị định mbrô 81/2021/NĐ-CP bâh chính phủ.