VOV4.M’nông: Tâm rơh rƀŭn ntơm ntuh kơl tâm nkuăl ƀư nau kan prêh Nkuăl ƀon têh Hồ Chí Minh, ôi lơ 27/2, UBND nkuăl ƀon têh Hồ Chí Minh hŏ ntrŭnh nau ndơn nchrăp nau ntuh kơl ân nau kan R ndrel D- Ntŭk kan mĭn njêng ndrel ntĭm nti nau jru mpeh nau săm ji chôt ndal S.I.S Nkuăl ƀon têh Hồ Chí Minh (Rmôt kan Ndâk nkra Hoà Bình) ndrel săm ƀŭt kơp dơn ntuh kơl ân Bôk nau kan bah Công ty TNHH Điện tử Samsung HCMC CE Complex. Bah 20 năm ƀư kan, tât rnôk aơ, Nkuăl ƀư nau kan prêh nkuăl ƀon têh hŏ pă săm ƀŭt kơp dơn đăng ký ntuh kơl an 163 bôk nau kan, đah rnoh tơm prăk ntuh kơl geh rlau 12 rmen đôla. Tâm nê, tơm prăk ntuh kơl bah dak ba dih rlau 10 rmen đola, tơm prăk tâm dak bơi tât 2 rmen đola. Ăp ntŭk ƀư nau kan mô êng ƀư nau kan ân săk tam ma hôm n’hao tơm prăk, ntuh kơl pơk hvi nau kan tâm nkuăl ƀư nau kan prêh, rgop nau khlay tâm tơm prăk tăch luh bah nkuăl ƀon têh Hồ Chí Minh./.

Nŭih rblang: H’Thi