VOV4.M'nông: Nkuâl Krông Pắk, n'gor Dak Lak nchrăp an Lễ hội sầu riêng Krông Pắk. aơ lah nkô̆ dơi kruanh nkuâl mbơh ta rơh hop báo tâm nar ntri 22/8. Lễ hội Sầu riêng nkuâl Krông Pắk lor bôk năp, năm 2022, đah nkô̆ “N'hao Sầu riêng Krông Pắk” mbra ntơm pơk ngăn tâm nar 1/9 n'hanh ntoch jong tât nar 3/9 ta Nklang thị trấn Phước An n'hanh du đêt xã ta nkuâl Krông Pắk. 

Tâm trôm bôk nău kan Lễ hội mbra geh âk nău kan, kơt ƀư: Hội chợ pla n'hơ, pla n'hơ ăp ntil play, ndơ geh tuch tăm ntĭt êng bah nkuâl n'hanh du đêt nkuâl kiău ma; Tâm nchră  ntrŭt ntrôl ntuh kơl n'hanh hun hao ndơ tuch tăm, ndơ tuch tăm jŏ jong. Lơn lah, tâm ăp rêng kan Văn hóa – Nkoch n'hơ pâl nđaih, mbra geh tay ăp nău kan; ntô̆ khinh khí cầu, dù mpăr, nkre ŭnh đèn hoa đăng, ncho duk....

                                    Nuĭh rblang: Điểu Thân