Tâm bar nar 16-17/5, ta n’gor Xiengkhuang, Bắc Lào ƀư Lễ jao an, wơt dơn, ôp huêng n’hanh plơ̆ sĭt 96 nting tahen ơm khĭt lah tahen râng  kơl êng n’hanh nuĭh rnâng kan Việt Nam khĭt ta pe n’gor Vientiane, Xaysomboum n’hanh Xiengkhuang sĭt đah me neh Việt Nam.

Khay wai năm 2022 – 2023, Rmôt rgum joi, Bộ Chỉ huy quân sự n’gor Nghệ An hŏ leo ƀư joi, rgum nsĭt geh 96 nting tahen ơm khĭt tâm lơh ta 3 n’gor, geh 120% trong nchrăp ndơ̆ luh. Nău way ƀư ôp luh huêng dơi ƀư dăn an huêng bah ăp tahen râng kơl êng n’hanh nuĭh rnâng kan Việt Nam du trong huêng khlay tĭng nău way bah neh dak Lào oh nô. Tĭng trong nchră, lễ njor tâp 96 nting tahen ơm khĭt dơi rgum joi n’hanh nsĭt plơ̆ rơh dja ƀư tâm nar 19/5 ta Nghĩa trang liệt sĩ nkuâl Nghi Lộc, n’gor Nghệ An.