Mhe aơ, ta Hà Nội, Ban Nội chính Trung ương tâm rgop nsum đah Nhà xuất bản chính trị Quốc gia Sự thật ƀư nau ntơm ntoh ndrôm săm ƀŭt bah đồng chí Tổng bí thư Nguyễn Phú Trọng geh moh “Nsôih, ƀư ân rjăp lơh njrăng, rdâng sa khâm, nau mhik, rgop nau ndâk Đảng ndrel Ngih dak nơm nar lơn ma kloh, nâp dăng”. Ndrôm săm ƀŭt bah Tổng Bí thư Nguyễn Phú Trọng geh ƀư jêh 600 plơk, 111 rup. Bah nau nkra, xuất bản hŏ geh ƀư âk nau kan ngăn, n’hêl bah âk nhoat tĭng nau kan rjăp, tâm ban, khoa học gay ma Ndrôm săm ƀŭt đăp mpăn nau ueh nâp, nkô̆ nau, nau ƀư ndrel nau blau mhe.

Wa Nguyễn Túc, Uỷ viên rmôt Kruanh Uỷ ban Trung ương MTTQ Việt Nam ân lah, ndrôm săm ƀŭt luh njêng nau kan mhe têh mpeh nau mĭn bah lam ƀon lan. Tă bah nê, ƀư nau lơh njrăng sa khâm tâm rnôk mhe, ma ta nê lam ƀon lan râng gay ƀư dơi nkô̆ nau “mô dơi”, “mô janh”, “mô ŭch”, “mô kâp geh” geh sa khâm. Wa Nguyễn Túc, ngơi:

‘Sa khâm ri ƀư ji nuih ngăn, ƀư ƀon lan dŭưt n’hâm geh nau ji nuih, kơt Tổng Bí thư hŏ lah, lơh njrăng, rdâng sa khâm hŏ jêng nau kan mô dơi ƀư rlŏ rnôk ma lam ƀon lan hŏ râng. Ndri ma, nau nchih njêng ndrôm săm ƀŭt aơ lah du rnôk gay ma n’hao lơn tay nau mĭn bah lam đảng, lam ƀon lan, lam tahen nơm mpeh nau lơh njrăng phung rlăng lăp in, nau nsôih ndrel ƀư ân rjăp ƀư ân gâp dŭt n’hâm ŭch ngăn”.

Mhe aơ, Đảng ủy Khối ăp nhih pah kan Trung ương ƀư tâm nchră gŭ mĭn, kơt nti, mbơh gĭt jru hvi n’hanh nkoch trêng nkô̆ ndrôm siƀŭt “Rôih sŏng, rlăch ndăng ngăn njrăng, n’gang sa khâm, tih djơh, rgop rdâk njêng Đảng n’hanh ngih dak he nar lơn ma kloh uĕh, nâp dăng” bah Tổng Bí thư Nguyễn Phú Trọng. 

Lah ta rơh n’glôch jêh tâm nchră, Bí thư Đảng ủy Khối ăp nhih pah kan Trung ương Nguyễn Văn Thể dăn đă, lôch tâm nchră dja, ăp gưl ủy, ăp mpôl kan đảng rgum rđău đă ƀư an dŭt jăp uĕh rơh sinh hoạt chính trị way nkô̆ mpeh ndrôm siƀŭt bah Tổng Bí thư Nguyễn Phú Trọng ta  nhih pah kan, đơn vị. Ntơm bah nê, dŏng ngăn tâm nău rêh pah kan rdâk njêng dăp rgum đảng, rlăch ndăng, njrăng, n’gang sa khâm, tih djơh bah nhih pah kan, đơn vị tâm let năp tay:

       “Lĕ rngôch Đảng bộ Khối ân kơt nti răp jăp mpeh ndrôm siƀŭt bah Tổng Bí thư. Bah nê, tĭng cán bộ đảng viên ân tĭng ƀư păng an di. Aơ lah rơh rlăch ndăng mô dơi rlu, mô dơi gŭ, jêng lĕ rngôch cán bộ đảng viên, nuĭh kan tâm lam Đảng bộ Khối an ƀư tay, mbơh gĭt jru gay he ndơ̆ lĕ rngôch nău mĭn rđău đă bah Tổng Bí thư tâm ndrôm siƀŭt dơi dŏng ngăn tâm nău rêh n’hanh rgop rdâk njêng Đảng rdâk njêng Ngih dak nar lơn ma kloh uĕh nâp dăng”.