Ôi lơ 11/8, Rnâng kan rđau kan, Rnâng kan ƀư bôk nau kan chính luận nghệ thuật “Têh ndrŏng tă bah dak lêng” hŏ tât mpoh kthup tâm Điện thờ ăp tahen khĭt ndrel Rup ndah Trần Hưng Đạo ta nkuăl ƀon têh Nha Trang, n’gor Khánh Hoà. Tâm rnôk ƀư nau kan rjăp, ăp ntoh măt hŏ ƀư mpoh kthup ndrel dŏng du mnĭt nkah ăp tahen jang dăng, tahen khĭt, ăp nŭih kon bah ƀon tơm Khánh Hoà hŏ tâm lơh, khĭt yor nau đăp mpăn, dah rŏng bah neh dak. Bah năp huêng “Đức Thánh Trần” ndrel ăp nuih janh dăng, tahen khĭt, Rnâng kan rđau kan-Rnâng kan ƀư bôk nau kan “Têh ndrŏng tă bah dak lêng” ndrel ăp ntoh măt ton mra ƀư ueh nuih n’hâm bah rnoi mpôl Việt Nam.

Mro tâm rnglăp, tâm ban, blau nau mhe, rlet rlau nau jêr, nau ntul rlong gay ma ƀư jêh ăp nau kan, rgop nau ƀư ueh nuih n’hâm, nau ryơk rnoi mpôl, nsôih mât nâp nau ƀư tơm bah dak lêng, gôl dak ndrel neh huêng bah neh dak, ntoh nau mât ndrel hun hao nau dơi âk ntil bah dak lêng, gôl dak. Lah rjăp “Việt Nam lah neh dak lêng”, đah nau ŭch geh dơi bah dak lêng, nau dăng bah dak lêng, ƀư têh ndrŏng bah dak lêng ndrel mât ntŭk ntu đăp mpăn tâm dak lêng, hun hao nâp nâl văng sa văng sa./.