Nkhêp nkah ndray 105 năm Cách mạng Khay Jât Nga (7/11/1917 – 7/11/2022), tĭng ƀư nău n'glêh an bah Ban Thường vụ Đảng ủy Khối ăp nhih pah kan Trung ương, kêng măng 7/11, Đảng bộ Văn phòng Kruanh dak ƀư khuh n'gôr ntăm an Huy hiệu 40 năm Đảng an wa Nguyễn Xuân Phúc, Ủy viên Bộ Chính trị, Kruanh dak Cộng hòa XHCN Việt Nam.

Lah ta rơh lễ, Rnâng kan Ban Bí thư Võ Văn Thưởng lah rjăp, wa Nguyễn Xuân Phúc hŏ n'hanh dôl ndrel Ban Chấp hành Trung ương, Bộ Chính trị rđău kan lam Đảng, lam ƀon lan n'hanh lam tahen rlău jêr jŏt, ntul rlong, nsĭt tay âk nău dơi khlay, đah ăp nkah têl ntoh lư, rdâk njêng Đảng he nar lơn ma kloh uĕh, nâp dăng. Wa Võ Văn Thưởng mbah rhơn n'hanh mpơl nău ŭch rŏng kruanh dak Nguyễn Xuân Phúc rgop tay âk lơn đŏng an n'gâng kan cách mạng bah Đảng, Ngih dak n'hanh ƀon lan.

VOV/Nuĭh rblang: Điểu Thân