Groi Thủ tướng Trần Lưu Quang hŏ ký n’glêh an mbrô 648/QĐ-TTg ntăm Bằng “Tổ quốc ghi công” an 04 liệt sĩ mpeh Bộ Công an n’hanh 02 liệt sĩ mpeh n’gor Dak Lak. Tĭng nê, geh 6 liệt sĩ dơi ntăm Bằng "Tổ quốc ghi công" geh 4 liệt sĩ mpeh Bộ Công an lah: liệt sĩ Hoàng Trung, Thiếu tá CAND, cán bộ Công an xã Ea Ktur, nkuâl Cư Kuin, n’gor Dak Lak; liệt sĩ Trần Quốc Thắng, Thiếu tá CAND, cán bộ Công an xã Ea Tiêu, nkuâl Cư Kuin, n’gor Dak Lak; liệt sĩ Hà Tuấn Anh, Đại uý CAND, cán bộ Công an xã Ea Tiêu, nkuâl Cư Kuin, n’gor Dak Lak; liệt sĩ Nguyễn Đăng Nhân, Đại uý CAND, cán bộ Công an xã Ea Ktur, nkuâl Cư Kuin, n’gor Dak Lak. Bar liệt sĩ mpeh n’gor Dak Lak lah: liệt sĩ Nguyễn Văn Kiên, Bí thư Đảng uỷ, Kruanh HĐND xã Ea Ktur, nkuâl Cư Kuin, n’gor Dak Lak n’hanh liệt sĩ Nguyễn Văn Dũng, Groi Bí thư Đảng uỷ, Kruanh UBND xã Ea Tiêu, nkuâl Cư Kuin, n’gor Dak Lak (ƀon tơm ta xã Hùng Tiến, nkuâl Nam Đàn, n’gor Nghệ An).

Bah năp nê, ơm ôi rŭ nar 11/6/2023, ta nkuâl Cư Kuin hŏ geh du mpôl ndjôt phao rdôl lơh nhih pah kan UBND xã Ea Tiêu n’hanh xã Ea Ktur, lơh khĭt, rmanh du đêt công an xã, cán bộ xã n’hanh nuĭh ƀon lan. Kơp tât 6h30 măng nar 12/6, mpôl kan dơi kan hŏ nhŭp kân 27 nuĭh rdôl lơh nhih pah kan UBND xã Ea Tiêu n’hanh Ea Ktur, nkuâl Cư Kuin, n’gor Dak Lak, Mpôl Công an dôl hôm rgot nhŭp ăp mpôl tih djơh, ôp uănh, rmal lhăt tĭng di quy định bah pháp luật../.