VOV4.M’nông: Ôi lơ 7/4, ta Ninh Thuận, bar n’gor Lâm Đồng ndrel Ninh Thuận kí ton bôk nau kan tâm boh hun hao pâl n’aih lvang năm 2022-2025, tâm nê geh nthoi nkuăl ƀon têh kao Đà Lạt đah nkuăl dak lêng Ninh Chữ. Tâm bôk nau kan tâm boh hun hao pâl n’aih Ninh Thuận-Lâm Đồng lvang năm 2022-2025, bar n’gor ndrel tâm nchră, rgop nau tâm nau ndâk nau kan pâl n’aih bah ăp ding, njêng ndrel hun hao âk ntil nau kan pâl n’aih, tâm nthoi đah ăp ntŭk tât gay ma rgum năch. Ninh Thuận geh nau dơi pâl n’aih têh đah ăp ntil ndơ pâl n’aih ueh bah dak lêng, yôk ndrel nau ơm bah rnoi Chăm, Raglai. Hôm tâm Lâm Đồng geh nau dăng pâl n’aih êng, nsum ma bri n’ik ndrel neh ntu ueh. Nkre lah, trong nthoi Ninh Thuận-Lâm Đồng kŏ lah du ntŭk tât pâl n’aih. Bar n’gor mra ơm ndâk trong pâl n’aih “du trong hăn 3 ntŭk tât” lah Đà Lạt-Phan Rang-Nha Trang, vơt năch tâm tach ndeh mpăr Liên Khương ndrel ntĭnh năch tâm tach ndeh mpăr Cam Ranh, ndrel ăp ntil pâl n’aih rgop ueh gay rgum năch ndrel têk jong nar gŭ rlu bah năch./.

Nŭih rblang: H’Thi