VOV4.M’nông: Tâm 2 nar lơ 28-29/3, Uỷ ban Rnâng kan Quốc hội ƀư rƀŭn ntoh măt Quốc hội pah kan ƀư nau tâm nchră 4 nau nchrăp luật ndơ̆ Quốc hội tâm rơh rƀŭn tal 3, Quốc hội gưl XV. Tĭng bôk nau kan, tâm lơ 28/3, ăp ntoh măt mra nchră 2 nau nchrăp luật: Rgâl rgâl nkra, ntop tay du đê̆ điều bah Luật mât nau dơi blau kan ndrel Luật tâm rlong, rnê nkhôm (rgâl nkra). Hôm đah nau nchrăp Luật Điện ảnh (rgâl nkra) ndrel Luật tăch rgâl bảo hiểm (rgâl nkra) mra geh tâm nchră tâm lơ 29/3. Rơh rƀŭn geh ƀư sŏng đah nau geh rgop ƀư trực tuyến. Ăp ntoh măt Quốc hội pah kan tâm Trung ương ndrel tâm rmôt kan Quốc hội nkuăl ƀon têh Hà Nội râng rƀŭn tâm ngih rƀŭn Diên Hồng bah Ngih kan Quốc hội. Aơ lah du nhoat nchrăp ueh khlay ân rơh rƀŭn tal 3 bah Quốc hội gưl XV nchrăp ƀư tâm lơ 20/5/2022./.

Nŭih rblang: H’Thi