VOV4.M’nông – Ôi 28/6, Ban Chấp hành Đảng bộ nkual ƀon têh Hà Nội ntơm ƀư Rƀŭn nchră rơh tal 8, uănh mĭn tay, an rgop mpeh du đêt nkô̆ nău, tâm nĕ geh bôk nău kan hun hao jay gŭ nkual ƀon têh Hà Nội, lvang 2021-2030; dự thảo Bôk nău kan ƀư bah Đảng bôk nkual ƀon têh ƀư tĭng Nghị quyết mrô15 bah Bộ Chính trị mpeh trong rƀŏng, nău kan hun hao Thủ đô Hà Nội tât năm 2030, uănh tât năm 2045. Ntoh ngơi ntơm rƀŭn, Mpeh bôk nău kan hun hao jay gŭ nkual ƀon têh Hà Nội lvang 2021-2030, Bí thư Thành ủy Đinh Tiến Dũng an gĭt Dự thảo Bôk nău kan lĕ dơi Ban cán sự đảng UBND nkual ƀon têh ndâk ƀư uĕh, di tĭng trong ƀư, nău ntrŭnh. Nău mbơh bah Ban Cán sự đảng UBND nkual ƀon têh an saơ 6 khay bôk năm, nkual ƀon têh lĕ uănh nđôi srê uĕh Covid-19; ăp nău ƀư nkra njêng, tăch rgâl, pâl nđaih, jay sông sa, khách sạn dơi pơk mpông plơ̆ tay nâm ơm mhe lĕ geh jâng nsan ndâk hao tay, hun hao wăng sa. Sŏk an tơm prăk ngih dak ta ntŭk hao rlău 20% nkôp đah rơh aơ năm 2021 n’hanh geh bơi 57% nău nchrăp trok năm. Hao jêng dĭng lĕ ndơ ta ntŭk 6 khay hao 7,79%-rlău 1,29 tơ̆ rnoh hao rơh aơ năm 2021.

Nuĭh rblang: Y Sưng Phê Ja