Ôi 20/7, ta nkuăl Côn Đảo, n’gor Bà Rịa-Vũng Tàu, Kruanh dak râng ƀư sa nkra ndơ ƀư Ndrâm tàu năch Côn Đảo n’hanh ntơm rdâk ƀư ndơ ƀư Trung tâm Y tế Quân-Dân y nkuăl Côn Đảo. Nău nchrăp mpeh tâm ndơ ƀư ƀon lan dŏng rmôt B, geh dĭng lĕ rnoh ntuh kơl 247 rmen prăk đah têh 60 nsưng ji, tâm ban ngih dak si đa khoa hạng 3, geh công nghệ mhe, pă an rhŏ dak si uĕh tam âk, tâm di nău ŭch but uănh săm ji nar lơ âk an nuĭh ƀon lan, tahen ƀon lan, năch pâl nđaih.

Ta nar ƀư sa nkra Ndrâm tàu năch Côn Đảo, Kruanh dak Võ Văn Thưởng râng n’hanh koh bok sa nkra. Ndơ ƀư geh nkô̆ khlay tâm nău rgop hun hao rhŏ ndơ dak lêng, rdêng năch, đăp mpăn mât njrăng bri dak rnă njrăng, lơn lah rgop ƀư tĭng nău rƀŏng ndâk njêng Côn Đảo jêng nkual pâl nđaih sinh thái gôl dak lêng n’hanh văn hóa-lịch sử-uĕh tam âk, têh tâm ban nkual n’hanh lam ntŭr neh. Ndrâm dak an dŏng rhoăt đêt trong bơi 15km bah Ndrâm dak Bến Đầm hăn Nklang Côn Đảo.