VOV4.M’nông: Ôi lơ 8/9, ta nkuăl ƀon têh Hồ Chí Minh ntơm ƀư rơh tăch ndơ lam ntur neh Nkuăl ƀon têh Hồ Chí Minh 2022 (ITE HCMC 2022). Groi Thủ tướng Chính phủ Vũ Đức Đam râng rơh rƀŭn, ndrel rlau 1.500 nŭih ntoh măt ăp ntŭk mât kan, nŭih blau nau nchră mpeh nau kan pâl n’aih, ăp rmôt kan pâl n’aih bah 45 n’gor nkuăl ƀon têh tâm lam dak ndrel 28 neh dak, nkual neh. Đah nkô̆ “Ndrel nâp nhoat, ndrel hăn hao”, rơh tăch ndơ rơh aơ ŭch pơk luh 6000 rơh tâm mâp nau kan tăch rgâl đah nŭih rvăt ndrel ăp rmôt kan mpla tăch.

Tâm rnôk tăch geh âk nau kan ƀư tâm nchră têh, kơt: Tâm nchră nau kan pâl n’aih gưl prêh “Ntrong kan ndâk ndrel hun hao nau kan pâl n’aih lam ntur neh nâp nâl”, rơh tâm nchră “Ntrŭt dăng ntŭk kan tăch rgâl pâl n’aih tơm ndrel nau geh dơi bah Việt Nam”, “Ntrơn rgâl nau kan pâl n’aih” ndrel ntrong ƀư nau kan nkoch mbơh nau tâm rnôk tât. Tâm 3 nar geh rơh ƀư tăch ntơ ntơm 8/9 đến 10/9, nŭih ƀon lan ndrel bu năch geh dơi joi gĭt âk trong hăn, ntil ndơ pâl n’aih tâm dak ndrel dak ba dih mhe geh nsum ma âk nau dơi ueh lơn./.

Nŭih rblang: H’Thi