Tât ôi 30/6, ăp nhih pah kan, nsum mpôl ta nkual ƀon têh Đà Lạt, n’gor Lâm Đồng hŏ rgop, ntop kơl rnăk nuĭh khĭt tâm rơh rlâm neh ta Đà Lạt rlău 200 rkeh prăk. Lôch geh rlâm neh bah lơ ntŭn ƀư 2 hê nuĭh khĭt, ăp ntŭk kan, nhih pah kan, nuĭh ƀon lan hŏ chop khâl, rgŏ jă n’hanh bôk năp hŏ ntop kơl rnăk nuĭh khĭt.

Tâm nê, Ủy ban MTTQ Việt Nam n’gor Lâm Đồng ntop kơl 30 rkeh prăk, Ban Chỉ huy njrăng n’gang trôk nar lơh n’hanh kơl joi nuĭh n’gor Lâm Đồng ntop kơl 20 rkeh prăk, Hội Chữ thập đỏ Lâm Đồng kơl 3 rkeh prăk, ăp nhih pah kan mpeh  nkual ƀon têh Đà Lạt ntop kơl 73 rkeh prăk, nuĭh tơm jay n’hanh nuĭh tơm ndranh ƀư jay ntop kơl 85 rkeh prăk. Lĕ rngôch prăk ntop kơl an rnăk nuĭh khĭt tât aƀaơ hŏ geh rlău 200 rkeh prăk. Ndrel đah nê, ma tơm rgŏ jă lam rêh jêng kon nuĭh, nkual ƀon têh Đà Lạt hŏ ndơ̆ an rnoh prăk bơi 20 rkeh prăk ntop kơl an 3 nuĭh geh rmanh đêt tâm rơh rlâm neh.