Trang thông tin geh 7 nkô̆ nău tơm n’hanh 4 nkô̆ nău êng, tâm di đah ăp ntil ndơ máy tính, máy tính bảng, điện thoại di động.

Trang thông tin pă mbơh ăp ntil sƀ ntĭm đă, leo kan bâh Ban chấp hành Trung ương hội tât ăp n’gor, nkuăl ƀon têh n’hanh ăp nuĭh kan tahen ơm. Tâm rgop mbơh tơih nău geh, tă blău kan bâh nău kan tâm rlong rŏng dak bâh hội cựu chiến binh Việt Nam, geh saơ, rnê, trĕ lam têh hvi nău mbơh tơih nuĭh kan jăp nău mĭn ueh, ăp nău kan ntoh lư, nuĭh kan mhe tâm mpôl kan tahen ơm Việt Nam. Ntoh ngơi ta rơh lễ, Thượng tướng Bế Xuân Trường, kruanh Hội cựu chiến binh Việt Nam đă, Báo cựu chiến binh Việt Nam an geh rgum mbơh tơih tât cán bộ hội viên n’hanh ƀon lan ăp nău mhe, nău kan tâm rlong “Tahen ơm ntoh ang hăn lor”, tâm kơl jut jăng ach o, ngăch mbơh, na nê̆ tâ di ăp nău ŭch, nău rŏng, mbơh tơih nău mhe tât lĕ cán bộ mpôl kan ndrel.