VOV4.M’nông: Ôi lơ 3/6, ta Nkuăl ƀon têh Đà Lạt, N’gâng kan tuch tăm ndrel hun hao ƀon lan hŏ ntơm ndâk nau kan mât ntŭk ntu nâp nâl bah ăp trong ƀư hun hao nâp nâl mô geh ƀư roh bri tâm Lâm Đồng ndrel Dak Nông. Bôk nau kan yor Liên minh Châu Âu (EU) kơl an bah Bôk nau kan hun hao Liên hợp quốc (UNDP) geh rnoh 5 rkeh euro ndrel ƀư tâm năm 2022-2026. Nkô̆ nau lah ân n’hao nau nâp mpeh ntŭk ntu, nau rêh jêng kon nŭih, nau dơi rdâng ndrel tâm ban ma ntrong kan tuch tăm ndrel ăp ntrong kan bah nkuăl Tây Nguyên.

Nkre, rgâl ân ueh nau rêh bah rmôt nơih geh nau khuch, nŭih rnoi mpôl đê̆ ndrel bu ur tâm ăp ntrong ƀư nau kan tăm bri ndrel pâl n’aih geh bri. 4 nkuăl geh săk rlong ƀư mpeh nau geh tât ntŭk ntu, mô ân geh roh bri lah Dak Glong, Dak Rlâp bah n’gor Dak Nông ndrel Di Linh, Lạc Dương bah n’gor Lâm Đồng./.

Nŭih rblang: H’Thi