VOV4.M’nông- Di rơh tât khâl ngăn Việt Nam bâh kruanh Hạ viện Ấn Độ Ombirla, kêng măng nar 19/4, Công ty cổ phần Hàng không Vietjet leo ƀư rơh mbơh tơih ăp trong mpăr mhe tât ta Ấn Độ, geh nđâp Hà Nội- Mumbai, nkuăl ƀon têh Hồ Chí Minh- Mumbai, phú Quốc-New Delhi n’hanh Phú Quốc- Mumbai, mpơl nău plơ̆ tay n’hanh pơk hvi trong mpărr ta neh dak 1,4 rmen ƀon lan.

Nău kan geh ƀư đah nău tât râng bâh kruanh Quốc hội Vương Đình Huệ, kruanh Hạ viện Ấn Độ Om Birla, groi Thủ tướng chính phủ Lê Minh Khái, Ăp trong mpăr bâh nkuăl ƀon têh Hồ Chí Minh n’hanh Hà Nội tât ta Mumbai geh an mpăr bâh nar 2/6 n’hanh 3/6, đah rnoh 4 tơ̆ plơ̆ n’hanh 3 tơ̆ plơ̆ ăp pơh an ăp tơ̆ mpăr. Trong mpăr Phú Quốc-Mumbai geh mpăr đah 4 tơ̆ plơ̆/pơh n’hanh trong mpăr Phú Quốc- New Delhi đah 3 tơ̆ plơ̆ ăp pơh, ntơm hăn bâh nar 8/9 n’hanh 9/9.

Nuĭh rblang: Thị Đoắt