Ôi 14/12 ta Ntŭk rgum tâm nchră neh dak (Hà Nội), Đại hội đại biểu lam dak Đoàn Thanh niên Cộng sản Hồ Chí Minh tâl XII, năm kan 2022 – 2027 đah nău ntroh lah "Mpŏng wơl- dâk hăn lor- Tâm rnglăp- nkân nkân - blău ƀư mhe" ntơm pơk rgum đah nău tât râng bah 980 đại biểu lah cán bộ, đoàn viên ntoh lư ntơh măt an rlău 22 rkeh đoàn viên, druh ndăm Việt Nam tâm  n'hanh bah dih dak.

Đại hội lah nar kan chính trị khlay bah mom ndăm Việt Nam, ntơm nău nsrôih, nău dơi tơm bah mpôl kan Đoàn n'hanh trong leo mpôl druh ndăm rchong kon se jê̆ tâm 5 năm aơ. Đại hội geh nău n'glôch jêh tĭng ƀư Nghị quyết Đại hội đại biểu lam dak Đoàn TNCS Hồ Chí Minh tâl XI, năm kan 2022-2027; ntrŏng năl rnoh tât kan, nău dơn kan n'hanh trong nkra pah kan đoàn n'hanh trong leo druh ndăm rchong kon se jê̆ năm kan 2022-2027. Đại hội mbra sơch Ban Chấp hành T.Ư Đoàn tâl XII, năm kan 2022-2027; kơi ntop, rgâl nkra Điều lệ Đoàn n'hanh uănh an dŏng Điều lệ Đoàn rgâl nkra, kơi ntop.

VOV/Nuĭh rblang: Điểu Thân