Đah bôk nău “Đà Lạt- nkuăl ƀon têh poăn yan kao”, Festival kao Đà Lạt tal 9 năm 2022 lah nău nthoi tay tĭng njoat kan, mpơl rnê nău kan nuĭh tăm kao n’hanh mbơh tơih ăp nău khlăy mpeh kao, mpeh ăp ntil ndơ tuch tăm khlăy n’hanh ntoh lư êng bâh Đà Lạt- Lâm Đồng kơt lah biăp, trà, cà phê, bok sut.

Ntoh ngơi ta rơh ntơm pơk, groi kruanh dak Võ Thị Ánh Xuân an lah, Festival kao Đà Lạt tal 9 lah lễ hội dŭt khlăy, geh nău kan na nê̆, nkre lah rnê nău ueh êng bâh Đà Lạt, nkre lah ntrôl nău hun hao n’gâng kan pah kan, tăch rgâl n’hanh tăch kao an dak bah dih, ndơ tuch tăm lĕ geh kơp dơn nău ntơ “Đà Lạt- tâm rgop ăp nău ueh bâh neh gŭ”. Groi kruanh dak lah na nê̆, aơ lah rơh nkhêp ueh gay ma mbơh tơih rup ueh nkual neh Đà Lạt ueh, kon nuĭh Đà Lạt ueh, dêh mêr, rŏng năch”, ntop hun hao pâl nđaih, ndâk nsơm, hun hao wăng sa- rêh jêng lôch  tă geh ntưp nuh srê Covid-19.