VOV4.M'nông: Nar ntri (25/5), ta nkual ƀon têh Buôn Ma Thuột, Hội Liên hiệp bu ur n'gor Dak Lak ƀư ntơm pơk Nar rgum bu ur ntơm njêng nău kan Dak Lak năm 2022. Đah nkô̆ N'hao rnoh khlay ndơ geh ƀư tuch tăm mât rong, Nar rgum bu ur ntơm njêng nău kan Dak Lak ƀư âk nău kan kơt: pla n'hơ, nkơnh ndơ geh ƀư ntơm njêng nău kan bah bu ur; Rgum nchră "rgâl mbrô, tăch rgâl điện tử- trong dơh soih n'hanh ntul rlong bah bu ur ntơm njêng nău kan n'hanh tăch rgâl"; ntŭk ndranh joi nău kan an bu ur; kơi năp nti tâm pă nău gĭt blău ƀư njêng "n'hao rnoh khlay cà phê Việt" n'hanh sơ kết mpư rnê ăp nuĭh ăp mpôl ntoh lư tĭng ƀư đề án ntop kơl bu ur ntơm njêng nău kan lvang năm 2017-2022. 

Aơ lah nău kan gay kơl oh yuh bu ur ntơm njêng nău kan tăch rgâl geh rnôk tâm mâp, tâm kơt nti nkoch n'hơ ndơ geh ƀư, njêng luh rêng kan tâm rgop tăch rgâl nsĭt geh gay droh rklaih jêr jŏt mpeh trong tăch luh, lăp rgum trong rƀŏng nsum./.

Nuĭh rblang: Điểu Thân