Ôi 17/7, ta Dak Lak ƀư lễ ntơm pơk Njăr trong gŭr năm 2023 đah nkô̆ Ntruh bi Tây Nguyên. Đah nău mbơh gĭt lor “buăt nthoi mham Việt”, năm aơ,  bôk nău kan Njăr trong hăn gŭr dơi ƀư tâm 2 khay ta 48 n’gor, nkual ƀon têh lam dak.

Ta Dak Lak, aơ lah năm tâl 10 ƀư bôk nău kan đah nău ŭch dơn geh dŭt đêt 500 đơn vị mham, nkre nkoch trêng an ăp rơh kơn mom ndăm mpeh nău ji chrai mham ơm bah ndŭl me tâm ban kơt trong uănh năl n’hanh njrăng n’gang nău ji dja. Bôk nău kan ta Dak Lak dơn geh âk nuĭh ŭch râng mô dơn ta ăp nklang nkuâl ma ta ăp nkual jru nkual ngai đŏng. Bah nê tŏng ngăch rnoh mham kơl săm ji, nkra dơi nău kroh khar mham tâm ăp rnôk khay rlu nti n’hanh lễ, tết. Ma nău kan dja gay nkoch trêng an nuĭh ƀon lan wât di mpeh nău yur êng mham n’hanh râng yur mham. Bah nê, njêng dơi mpôl kan ŭch tât râng êng, rgŏ jă nuĭh ƀon lan yur mham kơl nuĭh./.