VOV4.M'nông: Nar 19/5, ta nkual ƀon têh Pleiku ƀư pla n'hơ "Ăp nău dơi mpeh chính trị, wăng sa, văn hoá bah n'gor Gia Lai". Pla n'hơ ntơm pơk pơh lễ ăp nar kan khlay mbah rhơn 90 năm nar njêng n'gor Gia Lai, dơi ƀư ntơm bah aơ tât lĕ nar 25/5.

Đah 240 rup gui, bản trích, bản đồ dơi pla n'hơ ta jâng gung Bảo tàng n'gor Gia Lai, Pla n'hơ "Ăp nău dơi mpeh chính trị, wăng sa, văn hoá bah n'gor Gia Lai" rgum tâm 4 nkô̆ tơm lah: Ntŭk têl ơm yău kuĭh joi gưl neh dak Rộc Tưng- Gò Đá; Ntŭk têl ơm yău mha êng Tây Sơn Thượng đạo; Nkual ntêm nkrem tŭk Cao nguyên Kon Hà Nừng n'hanh "Ăp nău dơi mpeh chính trị, wăng sa, văn hoá bah n'gor Gia Lai" tâm 90 năm têh jêng n'hanh hun hao. Tâm nê, dŭt njrăng lah âk rup gui khlay ơm yău mpeh ntŭk gŭ nde cách mạng K10, du đêt nău lơh dơi khlay bah tahen n'hanh ƀon lan Gia Lai tâm rơh mprơh Mỹ n'hanh nău rêh bah nuĭh ƀon lan Gia Lai tâm ăp năm bôk năp lôch rklaih luh 1975.

Nuĭh rblang: Điểu Thân