VOV4.M'nông: Pla n'hơ rup “Nkual ƀon têh Hồ Chí Minh- 47 năm ndrel lam dak, yor lam dak” hŏ ntơm pơk nar 27/4 ta Trong hăn jâng Nguyễn Huệ, nkual ƀon têh Hồ Chí Minh. Pla n'hơ rup ƀư ntơm bah nar 27/4 tât nar 7/5 ta 4 ntŭk: njăr trong Nguyễn Huệ, trong Đồng Khởi, tâm rle Công viên Chi Lăng n'hanh Cung Văn hóa Lao động, Quận 1. Ta trong Nguyễn Huệ n'hanh trong Đồng Khởi, Ban Tổ chức pla n'hơ 90 păng rup nkoch mbơh lĕ mpeh nău dơi năm 1975 n'hanh ăp rup gui mpơl nău rgop khlay bah nkual ƀon têh Hồ Chí Minh đah n'gâng kan rgâl mhe n'hanh nău dơi nsum bah lam dak kalơ ăp trong kan wăng sa, văn hóa, ntĭm nti, khoa học công nghệ; n'hao dăng tâm nđŭr, tâm rnglăp đah ăp dak lam ntŭr neh, gay nta trong dơh an doanh nghiệp tâm n'hanh bah dih dak tâm boh, ntuh kơl hun hao nkual ƀon têh./.

Nuĭh rblang: Điểu Thân