Ôi lơ 20/4, ta Hà Nội, n’gâng kan Công thương ƀư ntơm pơk pơh lễ nău ntơ ngih dak n’hanh tâm mâp lam ntur neh nău ntơ ngih dak Việt Nam 2023 đah bôk nău “uănh năl ntŭk nău ntơ tăch rgâl ndơ ngih dak Việt Nam ueh nđir”.

Nău kan geh tâm bôk nău kan nău ntơ ndơ tăch rgâl bâh ngih dak Việt Nam năm 2023, kahgĭt nar nău ntơ ndơ tăch rgâl bâh ngih dak Việt Nam 20/4, n’hao nău gĭt vât nău tnơ ngih dak Việt Nam n’hanh mbơh tơih ăp ntil ndơ geh tâm di kơp dơn nău tơ ngih dak Việt Nam. Rơh tâm mâp nău ntơ ngih dak việt Nam 2023 đah bôk nău “uănh năl ntŭk nău ntơ ndơ tăch rgâl bâh Việt Nam ueh nđir”, geh n’gâng kan công thương ƀư tâm rnôk Việt Nam dôl nsrôih ntrôl ăp nău pah kan tăch rgâl, mpŏng tât ndâk nsơm wăng sa n’hanh hun hao lôch geh nău khuch tât nuh srê Covid-19. Tĭng ăp nuĭh way kan, nău ntơ ueh nđir lĕ geh nsĭt tay âk nău ueh ngăn nđâp mpeh wăng sa n’hanh ăp nău khlăy, kơl an doanh nghiệp n’hao nău dơi tâm rlong ta ntŭk tăch rgâl, ngăn lah tâm rnôk Việt Nam tât râng ta trong kan lam ntur neh.