VOV4.M'nông: Ôi 4/5, Tâm nchră tâl 5 Ban Chấp hành Trung ương Đảng khoá 13 hŏ ntơm pơk rgum ta Thủ đô Hà Nội. Tổng Bí thư Nguyễn Phú Trọng ƀư tơm n'hanh geh nău lah ntơm pơk ta rnôk tâm nchră.

Lôch rblang ăp tŏng ăp nkô̆ nău ân ndơ̆ luh mpeh 6 nkô̆ bah rơh hop, Tổng Bí thư Nguyễn Phú Trọng lah kloh, nkô̆ bôk nău kan Tâm nchră Trung ương rơh dja lah ăp nkô̆ nău têh, dŭt jêr n'hanh dŭt khlay đah nău tĭng ƀư geh nău dơi Nghị quyết Đại hội XIII bah Đảng kalơ ăp trong kan khlay kơt: Ntrôl dăng hun hao wăng sa- rêh jêng kon nuĭh bah neh dak tât năm 2030, uănh ngai tât năm 2045;

n'hao dăng rdâk njêng, dăp rgum ăp tŏng Đảng n'hanh lam trong kan chính trị lơn ma kloh uĕh, nâp dăng lam lĕ rngôch bah n'gu tơm, bah tâm dâng, tŏng đah nău ŭch geh nar lơn ma âk bah cách mạng tâm rơh mhe, Tổng Bí thư Nguyễn Phú Trọng dăn đă, Trung ương mât uĕh nuih n'hâm dơn kan, rgum gŭ mĭn, tâm nchră na nê̆, an nău rgop ƀư lôch jêh n'hanh mĭn uănh, n'glêh an tâm rơh hop kêng dŭt. Lơn lah, ân nchŏng kloh nkô̆, rhuăt luh ăp nău tă ơm gĭt kan n'hanh ndơ̆ luh ăp trong nkra bah tâm let năp tay. Nchrăp tâm nchră ƀư tât nar 10/5.

Nuĭh rblang: Điểu Thân