Ôi 14/8, Ủy ban Thường vụ Quốc hội ntơm pơk Rơh hop tâl 25. Rơh hop dja dơi tâm pă jêng 2 rơh: Rơh 1 ntơm nar 14 - 18/8; rơh 2 ntơm bah 24 - 26/8. Tâm nar 15/8, Ủy ban Thường vụ Quốc hội ƀư rơh ôp n’hanh ơh nău ôp đah 2 rmôt nkô̆ nău mpeh trong dơn kan bah Bộ Tư pháp, Bộ Nông nghiệp n’hanh Phát triển nông thôn.

Bah ôi, Bộ trưởng Bộ Tư pháp Lê Thành Long ơh nău ôp ăp nkô̆: Nău tĭng ƀư bôk nău kan rdâk njêng luật, pháp lệnh; Ăp trong nkra đăp mpăn rnoh ngăch, săk tam n’hanh hồ sơ ăp trong nchrăp kan, trong nchrăp Chính phủ hao mbơh dăn Quốc hội; Trong nkra n’hao săk tam lam trong kan pháp luật, trong nkra mât kân nău dơi kan, njrăng n’gang sa khâm, tih djơh tâm pah kan rdâk njêng pháp luật mpeh nău dơn kan bah Chính phủ. Kêng măng, Bộ trưởng Nông nghiệp n’hanh Phát triển nông thôn Lê Minh Hoan ơh  nău ôp mpeh rmôt nkô̆ nău dơn kan bah Bộ Nông nghiệp n’hanh Phát triển nông thôn.