VOV4.M'nông: Lah ta rơh hop bôk năp Ƀan rđău đă rgâl dơh glêh si ƀŭt mât kan bah Chính Phủ ƀư tâm ôi nar 9/3, Thủ tướng Chính phủ Phạm Minh Chính Kruanh Ƀan rđău đă lah rjăp, ân njêng luh dơi trong kan đăt ndal mpeh rgâl dơh glêh si ƀŭt mât kan, lơn lah ăp si ƀŭt geh tât nuĭh ƀon lan, doanh nghiệp, gay ntơm rdâk n'hanh rgum lĕ ăp tơm ndơ gay hun hao neh dak. Ân ôp uănh tay ăp tŏng lam lĕ rngôch nău dơi kan, nău dơn kan, n'glĕ nău dơi kan der bah tâm trŭp nău kan n'hanh hŭch bah âk mpưm ƀư ndranh klang n'gul. Thủ tướng Phạm Minh Chính lah rjăp, rơh hop dja geh nkô̆ dŭt khlay gay uănh năl pah kan rgâl dơh glêh si ƀŭt năm 2021, ntrŏng nău kan năm 2022; tâm nchră du đêt nău way kan, nău way pa kan. Pah kan rgâl glêh si ƀŭt ân dơi ntrŭt ntrôl gay rgop ƀư bah đek mân, lơn lah sa khâm ntêr. Mpeh nău kan na nê̆, Thủ tướng đă, n'hao nău khlay ƀư tơm bah nuĭh dâk bôk kan; an ƀư lĕ n'hâm suan, nău tam kan, bôk nău kan rgum tơm rgâl dơh glêh si ƀŭt mât kan ngih dak lvang năm 2021-2030./.

Nuĭh rblang: Điểu Thân