VOV4.M'nông: Ôi aơ (14/4), ta Jay Quốc hội, ntơm pơk rơh hop tâl 10 bah Uỷ ban Thường Vụ Quốc hội khóa 15. Ta rơh hop dja, Uỷ ban Thường Vụ Quốc hội an nău rgop tâm âk nkô̆ khlay gay nchrăp hao mbơh rblang ta rơh hop tâl 3 bah Quốc hội. Mpeh pah kan rdâk njêng pháp luật, Uỷ ban Thường Vụ Quốc hội an nău rgop mpeh ăp trong nchrăp kan: Luật Dầu khí (rgâl nkra), Luật Njrăng, n'gang tâm lah tâm janh ta rnăk wâl (rgâl nkra), Luật rgâl nkra, kơi ntop du đêt nkô̆ bah Luật Tần số vô tuyến điện, Luật Thanh tra (rgâl nkra), Luật But săm ji (rgâl nkra); an nău rgop mpeh du đêt trong nchrăp bôk nău kan rdâk njêng luật, pháp lệnh năm 2023... mpeh ăp nkô̆ nău wăng sa- rêh jêng kon nuĭh, Uỷ ban Thường Vụ Quốc hội an nău rgop: si ƀŭt mbơh bah Chính phủ n'glôch jêh tĭng ƀư Nghị quyết mbrô 42 năm 2017 bah Quốc hội mpeh rlong nkra bah rnon mô dơi sŏk mplơ̆ bah ăp mpôl kan an manh tơm prăk; trong nchrăp Nghị quyết bah Quốc hội mpeh trong kan mha êng, hun hao n'gor Khánh Hòa; trong rƀŏng tâm pă tơm prăk an ăp trong nchrăp kan mpeh dâk hao tay n'hanh hun hao wăng sa- rêh jêng kon nuĭh, tâm nê, mĭn uănh mpeh săk nchrăp ntuh kơl mpeh bôk nău kan dâk hao tay wăng sa n'hanh trong tâm pă tâm ban tơm prăk bôk nău kan dâk hao tay wăng sa- rêh jêng kon nuĭh n'hanh tơm prăk ntuh kơl jong dah găp lvang năm 2021-2025.

Nuĭh rblang: Điểu Thân