Ôi aơ (12/09), ta Jay Quốc hội, Ntơm pơk rơh hop tâl 37 bah Ủy ban Thường vụ Quốc hội. Rơh hop dja mbra ƀư 2 rơh. Rơh bôk năp ntơm bah nar aơ tât ôi 13/9; rơh 2 ntơm bah nar 23 tât 26/9. Ta rơh  hop dja, Ủy ban Thường vụ Quốc hội an nău rgop âk nkô̆ khlay.

mpeh pah kan rdâk njêng pháp luật, Ủy ban Thường vụ Quốc hội an nău rgop ăp trong nchrăp Luật: Luật Hóa chất (rgâl nkra); Luật sŏk soăy tăch rgâl mha êng; Luật sŏk soăy doanh nghiệp (rgâl nkra); Luật rgâl nkra, kơi ntop du đêt nkô̆ bah Luật Quảng cáo; Luật nău kan (rgâl nkra); Luật Dữ liệu; Luật rgâl nkra, kơi ntop du đêt nkô̆ bah Luật Bảo hiểm y tế; Luật Nai ntĭm nti; Luật rgâl nkra, kơi ntop du đêt nkô̆ bah Luật Sĩ quan tahen ƀon lan Việt Nam; Luật rgâl nkra, kơi ntop du đêt nkô̆ bah Luật nău kan groi nđôi bah Quốc hội n’hanh Hội đồng nhân dân; Luật mât dŏng n’hanh ntuh kơl tơm prăk ngih dak ta doanh nghiệp.