VOV4.M'nông: Ôi 15/2, Ntơm pơk rơh hop tâl 8, Ủy ban Thường vụ Quốc hội. Ƀư ntơm bah nar aơ tât 17/2, Ủy ban Thường vụ Quốc hội an nău rgop tâm âk nkô̆ khlay. Na nê̆, Ủy ban Thường vụ Quốc hội an nău rgop mpeh nău rblang, djăt nău rgop, rgâl di trong nchrăp Luật Cảnh sát cơ động n'hanh trong nchrăp Luật rgâl nkra, kơi ntop du đêt nkô̆ bah Luật Sở hữu trí tuệ; dăn đă kơi ntop trong nchrăp Luật But, săm ji (rgâl nkra) tâm Bôk nău kan rdâk njêng luật, pháp lệnh năm 2022. Nău rdâk njêng Luật But, săm ji (rgâl nkra) rgum tâm 3 nkô̆ tơm lah: sŏk nuĭh ji lah rgum tơm, n'hao tât âk đah rhŏ dŏng but, săm ji tam khlay. Âk ntil ăp ndơ rhŏ dŏng dak si; đăp mpăn geh nău tâm ban đah ăp ntŭk but, săm ji bah ngih dak n'hanh êng bah dih. Nkre rgâl mhe trong rhŏ dŏng, n'hao nuih n'hâm kan uĕh rƀŏng tât tĭng ƀư mât chăm lĕ rngôch an nuĭh ji./.

Nuĭh rblang: Điểu Thân