VOV4.M’nông- Rơh rƀŭn nchră kruanh n’gâng kan ntĭm nti ASEAN tal 12 lĕ ntơm pơk rơh leo ƀư kan ta Hà Nội. Aơ lah nău kan tâm rơh rƀŭn nchră kruanh n’gâng kan, nuĭh kan gâl têh ntĭm nti ASEAN yor n’gâng kan ntĭm n’hanh nti Việt Nam leo kan tâm năm kan lah kruanh tâm pleh kan bâh tâm kơl ntĭm nti ASEAN năm 2022 n’hanh 2023.

Ta rơh rƀŭn nchră, kruanh n’gâng kan ntĭm nti ASEAN tal 12, kruanh n’gâng kan ăp dak kan ndrel ASEAN rgum tâm mbơh mpeh nău ntĭm n’hanh nti bâh ăp dak, tâm mbơh mpeh ăp nău nti ngăn, nău tă kan, n’hanh joi gĭt mpeh trong kan tâm kơl, mpŏng tât hun hao ntĭm nti nâp nâl bâh ăp ngih dak, ngăn lah tâm rnôk lôch Covid-19. Rơh rƀŭn nchră lĕ geh mbơh tơih ăp nău pah kan tâm rnôk geh nău nchrăp ntĭm nti ASEAN lvang năm 2021-2025 n’hanh tâm nchră ăp nău êng. Lôch rơh rƀŭn nchră kruanh n’gâng kan ntĭm nti ASEAN tal 12, kruanh n’gâng kan ntĭm nti Việt Nam Nguyễn Kim Sơn leo rơh rƀŭn nchră kruanh n’gâng kan ntĭm nti ASEAN+3 đah ăp dak Hàn Quốc, Nhật Bản, Trung Quốc tal 6 n’hanh rơh rƀŭn nchră gâl têh kruanh n’gâng kan ntĭm nti Đông Nam Á ASEAN-EAS geh ăp dak ASEAN+3 n’hanh ăp dak kan ndrel Mỹ, Uc, Niu Di Lân, Nga, Ấn Độ tal 6.

VOV/Nuĭh rblang: Thị Đoắt