VOV4.M’nông- Ôi nar 26/5, rơh rƀŭn nchră nău rêh let năp tay châu Á tal 27 lĕ ntơm pơk ta thủ đô Tokyo, Nhật Bản đah nău tât râng sŏng dăng bâh ăp nuĭh leo kan châu Á kơt lah Thủ tướng Singapore Lý Hiển Long, Thủ tướng Thái Lan Prayut Chan-o-chan.Groi Thủ tướng rnâng kan Phạm Bình Minh leo mpôl đại biểu Việt Nam tât râng ta rơh rƀŭn nchră. Rơh rƀŭn nchră aơ geh bôk nău “uănh năl nău kan bâh châu Á tâm lam ntur neh dôl tâm nglah”. Ta meng ăp nău ntoh ngơi trực tuyến bâh ăp nuĭh leo kan, âk rơh tâm nchră tâm 2 nar đah bôk nău kơt: Rgâl mhe lam ntur neh bâh châu Á- Nău rêh let năp tay geh njêng bâh ăp doanh nghiệp, tâm rkeh Mỹ-Trung n’hanh khuch tât nău đăp mpăn, rnă njrăng, wăng sa bâh châu Á, hun hao doanh nghiệp châu Á bâh tâm nđur văn hóa...mbra geh ƀư. Bâh nĕ ăp dak châu Á mbra geh tâm kơl na nê̆ lơn tâm nău rdâng đah ăp nău ntul lrong mhe ta nkual n’hanh lam ntur neh, rdâk njêng du nkual hun hao tâm rgop an đăp mpăn n’hanh ueh lăng ta nkual.

Nuĭh rblang: Thị Đoắt