Ta rơh rƀŭn nchră Ủy ban rnâng kan Quốc hội an tâm rgop nău mpeh nglôch lôch, uănh nđôi nău ƀư tĭng Nghị quyết liên tịch 525 bâh Ủy ban rnâng kan Quốc hội khóa 13 mpeh nău tâm mâp ƀon lan bâh đại biểu Quốc hội.

Dŭt nkah ngăn, ta rơh rƀŭn nchră ăp, Ủy ban rnâng kan Quốc hội an tâm rgop mpeh nău nchrăp Luật hăn trong n’hanh nău nchrăp Luật đăp mpăn rêh jêng, đăp mpăn hăn trong, nglôch lôch rơh rƀŭn nchră tal 5 n’hanh an tâm rgop nău bôk năp mpeh nău nchrăp an rơh rƀŭn nchră tal 6 bâh Quốc hội khóa 15. Ta meng nĕ, Ủy ban rnâng kan Quốc hội uănh n’hêl, mbơh tơih nău nchrăp Nghị quyết mpeh nău pă dăp Nghị quyết mpeh nău dăp ăp ntŭk kan hành chính gâl nkuăl, gâl xã lvang năm 2023-2030. Geh tât nău kan uănh nđôi, ta rơh rƀŭn nchră aơ, ủy ban rnâng kan Quốc hội lĕ geh djăt nău mbơh tơih mpeh nău geh uănh nđôi bôk năp mpeh bôk nău kan uănh nđôi bâh Ủy ban rnâng kan Quốc hội mpeh rgâl mhe bôk nău kan, săm ƀŭt giáo khoa phổ thông.