VOV4.M’nông- Ôi nar 23/5, ta Ntuk kan Quốc hội, Thủ đô Hà Nội mbra geh ntơm pơk rơh rƀŭn nchră tal 3, Quốc hội khóa 15. Tĭng nău nchrăp bôk nău kan, rơh rƀŭn nchră geh ƀư tâm 19 nar, nchrăp nglôch lôch ta nar 16/6/2022. Aơ lah rơh rƀŭn nchră rgum kan bôk năp lôch 2 năm khuch tât bâh nuh srê Covid-19. Rơh rƀŭn nchră tal 3, Quốc hội khóa 15 geh ƀư tâm rnôk lam dak dôl geh ƀư tĭng dăng bôk nău kan, têh hvi, săk rnglăy bôk nău kan lĕ rngôch mpeh njrăng rdâng nuh srê Covid-19 n’hanh bôk nău kan ndâk nsơm n’hanh hun hao wăng sa rêh jêng, ngăn lah rơh rƀŭn nchră tal 5 Ban chấp hành Trung ương Đảng khóa 13 mhe lôch ueh, nsĭt  tay ăp nău nsrôih hun hao ƀư tĭng nău dơi Nghị quyết Đại hội 13 bâh Đảng tâm rnôk rơh mhe. Ta rơh rƀŭn nchră, Quốc hội uănh n’hêl, mbơh an 5 nău nchrăp Luật, 3 nău nchrăp nghị quyết n’hanh an tâm rgop đah 6 nău nchrăp luật êng. Quốc hội lĕ geh ntêm âk mông nar gay ma uănh n’hêl ăp nău mpeh wăng sa- rêh jêng, tơm prăk ngih dak n’hanh ntrŭnh mbơh âk nău khlăy êng bâh neh dak.

Nuĭh rblang: Thị Đoắt