Lôch ntoh ngơi ta rơh ntơm pơk bâh kruanh Quốc hội Vương Đình Huệ, Thủ tướng chính phủ Phạm Minh Chính mbơh tơih uănh năl nău tâm rgop nău geh ƀư tĭng nău nchrăp hun hao wăng sa- rêh jêng n’hanh tơm prăk ngih dak năm 2022, nău ƀư tĭng nău nchrăp hun hao wăng sa- rêh jêng n’hanh tơm prăk ngih dak ăp khay bôk năm 2023.

Kruanh Ủy ban Trung ương MTTQ Việt Nam Đỗ Văn Chiến mbơh tơih nău mbơh rgum tâm rgop nău, dăn đă bâh ƀon lan n’hanh cử tri njoăl tât rơh rƀŭn nchră tal 5, Quốc hội khóa 15. Kruanh rnâng kan Dân nguyện Dương Thanh Bình mbơh tơih nău geh uănh  nđôi nău doh rklaih nău dăn đă bâh cử tri njoăl tât rơh rƀŭn nchră tal 4, Quốc hội khóa 15. Dŭt nkah, Quốc hội geh ntêm âk mông nar hôm e ta ôi n’hanh lĕ kêng măng lơ 22/5 gay ma rƀŭn nchră êng mpeh nău săch nuĭh kan.