VOV4.M’nông- Ôi nar 6/10, ta nkuăl ƀon têh Buôn Ma Thuột, n’gor Dak Lak lĕ ntơm pơk rơh rƀŭn nchră tâm rlong vâr cà phê Việt Nam 2022 (Vietnam Amazing Roast Master 2022) yor Hiệp hội cà phê Buôn Ma Thuột leo ƀư.

Rơh tâm rlong geh ƀư rgum lam dak, geh 35 nuĭh tâm rlong bâh 13 n’gor, nkuăl ƀon têh ta lam dak. Ăp nuĭh tâm rlong mbra geh tâm rlong ăp nkô̆ nău: geh: Rnê uănh năl lah cà phê rnglăy kah ueh, ƀư vâr, mpli. Nău mhe bâh rơh tâm rlong aơ đah ăp rơh tâm rlong vâr cà phê lam dak lah dŏng cà phê Robusta Việt Nam; nuĭh tâm rlong an geh ƀư mpli ma phin n’hanh blău ƀư 3 nău tâm rlong: uănh năl nău ueh kah cà phê rnglăy, vâr n’hanh mpli. Rơh tâm rlong geh ƀư bâh nar 6-9/10/2022, đah nău uănh nđôi bâh rnâng kan kĩ thuật geh 13 nuĭh way kan tă blău kan tâm ăp rơh tâm rlong ƀư cà phê. Ban giám khảo chấm thi geh 6 giám khảo chấm vâr, mpli Espresso tâm nĕ geh 3 giám khảo lam ntur neh; 6 giám khảo chấm vâr, mpli phin.

VOV Tây Nguyên/ Nuĭh rblang: Thị Đoắt