Ôi 26/4, Ban Chấp hành Đảng bộ nkual ƀon têh Hà Nội ntơm pơk tâm nchră tâl 12. Ta tâm nchră, Bí thư Thành ủy Hà Nội Đinh Tiến Dũng lah rjăp rgâl di dăp rgum nsum rdâk njêng Thủ đô rơh dja geh nkô̆ dŭt khlay tâm rnôk rdâk njêng n’hanh hun hao Thủ đô ta năp măt n’hanh jŏ jong tĭng trong rƀŏng bah Bộ Chính trị ta Nghị quyết mbrô 15.

Tâm nchră ăp nkô̆ mpeh dăp rgum Thủ đô Hà Nội uănh tât năm 2050, ăp nău rgop nchŏng kloh âk ntŭk kol khan hun hao wăng sa- rêh jêng kon nuĭh bah Thủ đô, nău ngăn geh hun hao wăng sa, rêh jêng kon nuĭh, hôm geh lam nkual ƀon têh n’hanh thôn ƀon hôm âk nău khoah n’hanh joi luh nkô̆, dăn đă trong nkra droh rklaih tâm dăp rgum rơh dja. Nkre rblang ăp ndơ geh hun hao mha êng bah Thủ đô Hà Nội, tâm nê lah rjăp tât ăp săk geh, dơh uĕh, lơn lah ntô̆ n’hao ndơ văn hiến, văn hóa jêng tơm suan ntrôl mhe ntrŭt ntrôl nău hun hao bah Thủ đô let năp tay.