Ôi ntri (18/9) ta Nhih pah kan Trung ương Đảng, Tâm nchră tâl jât Ban Chấp hành Trung ương Đảng khóa XIII hŏ ntơm pơk rgum. Tổng Bí thư, Kruanh dak Tô Lâm ƀư tơm n’hanh geh nău lah ntơm pơk khlay ta Tâm nchră. Lah ta rnôk ntơm pơk tâm nchră, Tổng Bí thư, Kruanh dak Tô Lâm an gĭt, Tâm nchră, an nău rgop mpeh 10 nkô̆ mpeh 2 rmôt nkô̆ nău têh khlay n’hanh du đêt nău kan na nê̆.

Kalơ nuih n’hâm nê, Tổng Bí thư, Kruanh dak dăn đă Trung ương rong an  mông gŭ mĭn gay ăp nău rgop di ngăn ngăn, lah uănh ngăn ngăn bah n’gâng kan, bah n’gor he. Nkoch mpeh ăp nău kan ân ƀư ngăch dĭl let năp tay, Tổng Bí thư, Kruanh dak Tô Lâm lah kloh, nău tĭng ƀư geh nău dơi Nghị quyết Đại hội XIII bah Đảng lah nău ŭch tât dŭt têh bah lam Đảng, lam ƀon lan, lam tahen he tâm năm 2025; lah jâng nsing gay tĭng ƀư geh nău dơi ăp rnoh tât kan 100 năm ta nâm nău rđău kan bah Đảng n’hanh rƀŏng tât 100 năm njêng neh dak.