VOV4.M'nông: Nar 10/6, ta xã Ea Kpam, nkuâl Cư M’gar, n'gor Dak Lak,  Tập đoàn Xuân Thiện ƀư Ntơm rdâk njêng Nkual tuch tăm dŏng công nghệ mhe Xuân Thiện – Cư Mgar. Aơ lah trong nchrăp ntơm ƀư bôk năp bah rmôt ăp trong nchrăp tuch tăm, mât rong, nkret njêng ndơ geh ƀư công nghệ mhe bah Tập đoàn ntuh kơl ta n'gor Dak Lak, geh lĕ rngôch tơm prăk ntuh kơl rlău 1 rmen USD (tâm ban đah rlău 25.760 rmen prăk).

Nkual tuch tăm dŏng công nghệ mhe Xuân Thiện – Cư Mgar geh lĕ rngôch rnoh ntuh kơl rlău 705 rmen prăk, hvi 100 ha, đah ăp rnoh ŭch tât kan tơm: Rlong n'hanh sơch ntil tơm tăm săk jêng uĕh, mô geh ntưp nuh srê; săk geh âk; rdâk njêng ntŭk ntĭt leo ƀư Nkual tuch tăm dŏng công nghệ mhe n'hanh ndơ̆ rgâl công nghệ; jêng ntŭk rgum nkret njêng, mât prăp n'hanh tăch ndơ tuch tăm mât rong; jêng ntŭk hăn uănh kơt nti nău gĭt blău tuch tăm mât rong n'hanh pâl nđaih bri dak; tâm rgop ntĭm nti cán bộ n'hanh ƀon lan nău gĭt blău mpeh tuch tăm dŏng công nghệ mhe. Tĭng trong nchrăp Quý IV/2023 mbra ƀư lôch jêh rdâk njêng, tât quý I/2024 geh ndơ  tăch luh bah dih./.

Nuĭh rblang: Điểu Thân