VOV4.M’nông: Ôi lơ 29/8, ta nkuăl ƀon têh Đồng Hới, n’gor Quảng Bình, Ban tuyên giáo Trung ương ntơm ƀư rơh tâm rlong giảng viên lí luận chính trị blau nkuăl II (Miền Trung-Tây Nguyên) năm 2022. Geh ƀư ntơm lơ 29-31/8, Rơh tâm rlong giảng viên lý luận chính trị blau nkuăl II (Miền Trung-Tây Nguyên) năm 2022 rgum nau râng bah 35 nŭih tă bah 18 n’gor, nkual ƀon têh tâm nkuăl.

Tâm rơh tâm rlong năm aơ, ăp nŭih săch du nau ntĭm mbơh tâm ăp nau tă geh ntĭm nti, mbơh lý luận chính trị ndrel bôk nau kan ntop mbơh nkô̆ nau dŏng ân ntŭk kan chính trị gưl nkuăl yor Ban tuyên giáo Trung ương ntrŭnh ƀư. Ăp nŭih rlet 3 nau rlong, geh: Soạn giáo án, ntĭm nti nau, ơh nau ôp. Ăp nŭih mra dơi ntoh nau blau, nau kan, nau gĭt bah nơm, kŏ kơt lah tâm n’ur, kơt nti đah ăp nŭih êng, ăp nŭih ndrel nau kan ntĭm nti lý luận chính trị ndrel ăp nau kan êng êng./.

Nŭih rblang: H’Thi