Aơ lah nău kan yor Tổng lãnh sự quán dak Campuchia ta nkuăl ƀon têh Hồ Chí Minh n’hanh UBND nkuăl ƀon têh Cần Thơ leo ƀư gay ma ăp doanh nghiệp bâh Campuchia n’hanh doanh nghiệp Đồng bằng sông cửu Long lah nsum, nkuăl ƀon têh Cần Thơ lah êng tâm mâp, tâm mbơh, joi gĭt mpeh ăp nău ntuh kơl, ntop ntrôl ăp nar lơ ma têh hvi lơn nău tâm boh tâm kơl wăng sa, tăch rgâl đah bar ding.

Ta rơh rƀŭn nchră, ăp nuĭh mbơh nău, doanh nghiệp tât bâh Campuchia lĕ mbơh na nê̆ rơh nkhêp , trong kan ntuh kơl n’hanh tăch rgâl ta Campuchia, tâm ban kơt du đê̆ nău kơl an n’hanh nău an lor gay ma geh âk ntuh kơl n’hanh ntrôl nău wađng sa tăch rgâl đah bar dak kơt lah ntrôl an hun hao nău tăch rgâl n’hanh ntuh kơl, bar ding an geh uănh n’hêl, n’hanh mbơh tơih tâm an ơm lor nău tâm rgop ƀư trong ndeh părr đah Campuchia- Cần Thơ...Tĭng nău mbơh tơih, bâh bôk năm tât aƀaơ, prăk geh tăch ndơ an dak bah dih đah bar ding bâh nkuăl ƀon têh Cần Thơ tât Campuchia rlău 37 rkeh đôlar.