Ta rơh tâm nchră ngơi ma điện thoại, bar hê nuĭh leo kan mpơl nău rhơn ƀư rơh tâm nchră gâl têh gay ma ndrel tâm mbơh tâm rgop nău mpeh nău ntrôl tâm boh kan ndrel lĕ rngôch Việt Nam - Hàn Quốc n’hanh ăp nău ma 2 ding ndrel mât uănh. Tổng thống Hàn Quốc lah na nê̆ uănh khlăy nău kan bâh Việt Nam ta trong mbơh tơih ăp nău kơl kan bâh Hàn Quốc ta nkual. Bar hê nuĭh leo kan tâm ban ŭch n’hao tay lơhn nău tâm gĭt vât ndrel n’hanh nău tâm knơm chính trị bâh nău mât tâm mâp, tâm mbơh nău kan gâl têh n’hanh ta ăp ntŭk kan Đảng, Chính phủ, Quốc hội n’hanh ƀon lan đah 2 dak; n’hao nău tâm kơl ta trong kan mât rnă njrăng ngih dak, ntrôl tâm kơl mpeh wăng sa, tăch rgâl n’hanh ntuh kơl ăp nar lơ ma ngăn ngên, săk rnglăy, tâm ban, nâp nâl. Bar ding tâm ban uch mbra ndrel nsrôih n’hao rnoh prăk tăch ndơ đah 2 ding hao tât 150 rmen đôlar ta năm 2030.